Më shumë se 1 000 viktima në Japoni

Të tjera lëvizje sizmike rrezikojnë të godasin Japoninë, raportojnë mediat ndërkombëtare duke cituar ekspertet. Ndërkaq bëhet e ditur se ka të ngjarë të jenë më shumë se 1 000 viktima nga tërmeti i fuqishëm dhe nga cunami shkatërrues . Po sipas mediave, janë dëmtuar tërësisht 1800 shtëpi në prefekturën e Fukushimas. Sizma 8.9 ballë e shkallës rihter që spostoi aksin e tokës, goditi Japoninë duke provokuar edhe një cunam të fuqishem.

Për momentin, gjëndje alarmi në nivele maksimale është në impiantet nuklerare të Fukushimas, ku është rritur niveli i radioaktivitetit. Miliona njerez gjenden nëpër rruge pasi ndihen ende levizje te lehta sizmike. Në Sendai, qyteti bregdetar më i goditur, u gjendën qindra viktima në pazhe, ndërsa janë evakuar 70 000 persona. Është bllokuar puna në aeroporte, në stacione hekurudhore e metro, dhe është limituar së tepërmi shërbimi i telefonise.

Për shkak të tërmetit dhe cunamit, janë shembur edhe disa diga ndërsa vijon të mbetet në fuqi alarmi për një dallgë anormale në të gjithë paqësorin.