Medin Zhega: Perjashtimi? Apokalips per ne

Jeton Selimi
"Nese perjashtohemi, do te gjendemi perpara nje humnere, nje situate apokaliptike"deklaron anetari i Komitetit Ekzekutiv te FSHF-se, Medin Zhega, qe si nje ish-trajner i Kombetares kuqezi, e ka fare te qarte se cfare do te thote perjashtim. Madje, Zhega nxjerr shifra e fakte interesante, qe ashtu sic e deklaroi ai vete, e shnderrojne futbollin shqiptar ne nje apokalips. Ne intervisten dhene per "Koha Jone”, ish-trajneri qe solli ne vendin tone Kupen Rothmans, trofeun e vetem pas Kupes Ballkanike, shprehet i kenaqur ne lidhje me idene e ministrit Pango per thirrjen e asamblese.
Profesor Zhega, cili eshte opinioni juaj per vendimin e marre nga FIFA per pezullimin e Shqiperise nga aktivitetet nderkombetare?
Te them te drejten, kjo situate me duket shume absurde. Pozicioni i Shqiperise ne kete mes nuk eshte aspak i kendshem. Eshte nje pozicion qe do te na sillte pasoja te shumta. Imagjinoni vetem 4 vitet e perjashtimit qe rrezikojme. Kaq dhe futbolli shqiptar fundoset.
Perse e cilesoni absurd vendimin e FIFA-s?
Me duket absurd sepse FIFA ka nje studio ligjore mjaft te mire dhe nje kompani shume serioze per te kryer auditin e saj sic eshte Deloitte&Touche. Ndaj nuk eshte auditi qe perben problem.
FSHF akuzohet edhe per mungese transparence.
Komiteti Ekzekutiv eshte i perbere nga 11 anetare me gjithe presidentin. Ajo qe mund t'ju them une eshte se gjithcka, cdo vendim i marre, eshte marre fale ne transparence te plote. Nese kane ndonje problem me kete fakt, bujrem e te kontrollojne dhe nese gjejne ndonje gje qe shkojne, duhet te gjejne personin qe e ka bere, por sic ju thashe, mes nesh ka vetem transparence.
Me cfare demi mund te perballet futbolli shqiptar ne rast se perjashtohet?
Me nje dem kolosal. Te ardhurat do te jene 0. Do te kete 25.000 te papune, futbolliste e trajnere. Futbollit nuk duhet pare si i varur nga federata, sepse klubet jane anetare te federates dhe marrin pjese ne asamble.
Meqe jemi te asambleja, ministri Pango ka deklaruar se pret nga FSHF te mblidhet asambleja e te firmoset statuti.
Jam dakord me ministrin Pango. Madje mund te them se kjo eshte e vetmja drite jeshile qe shoh. Asambleja mund te mblidhet, shqyrton statutin e me pas vendos ne ta ktheje pas apo ta aprovoje ate.
Por rrezikojme te humbasim edhe sponsoret aktuale te futbollit apo jo?
Presidentet jane te paret qe do te largohen edhe me te drejte madje. Mjafton te themi qe shteti i paguan vetem 50 mije lek te vjetra ne muaj lojtaret. Ne rast perjashtimi do te humbasim investitoret, te cilet jane ata qe e mbajne gjalle futbollin tone. Nese ndodh dicka e tille, atehere mund te them me plot gojes se do te lengojme per shume e shume vjet.
"Deklaratat e Berishes? Ai s'merr vesh nga futbolli”
I pyetur per deklaratat e fundit te kryeministrit Sali Berisha, i cili e ka cilesuar futbollin shqiptar si nje ciflig te klanit te Zemunit, duke iu referuar pikerisht kreut te FSHF-se, Armand Dukes, Medin Zhega nuk ngurron aspak te kunderpergjigjet. "FSHF eshte ciflig i klanit te Zemunit? Nuk i marre per baze keto deklarata sepse kane dale nga goja e dikujt qe nuk merr vesh nga futbolli”, perfundon me shpoti Zhega.
Mjeshtri: Futbollin e lashe sepse s'na lane te luanim
Eshte nje situate e ngjashe, por ka ndodhur kur Medin Zhega ishte 34 vjec dhe mbronte fanellen e Vllaznise. Pasi eliminuan Austrine e Vjenes, shorti e i Kupes se Kampioneve i vuri kuqeblute perballe Dinamos se Kievit, por aty gjithcka hidhet ne ere. "Nuk e kam thene kurre,- tregon Zhega -, por futbollin e lashe sepse nuk na lejuan te luanim kunder Dinamos se Kievit, pasi ishte nje skuader e nje vendi revizionuar. Atehere nuk fola keshtu, por deklarova se me dhimbte gjuri e nuk mund te luaja me, por e verteta ishte tjeter. Shpirti i nje futbollit nuk pranon te fyhet keshtu”.