Merkato, Manchester City skuadra më aktive

Manchester City vazhdon te jete skuadra me aktive ne merkato, pasi skuadra e drejtuar nga Roberto Mancini ka zyrtarizuar blerjen e talentit italian Mario Balotelli. Sulmuesi 20 vjecar eshte transferuar ne kampionatin anglez nga Interi per 28 milione euro, nderkohe qe futbollisti ka nnshkruar nje kontrate 5 vjecare, nga e cila do te perfitoje 3.5 milione euro ne sezon. Pas shume spekulimesh ne lidhje me te ardhmen e Balotellit, sulmuesi dhe klubi anglez kane zyrtarizuar transferimin e tij ne Premir Lige, nderkohe qe debutimi i futbollistit eshte shtyre per javen e ardhshme, pikerisht ne ndeshjen shume te rendesishme qe Mancester City do te luaje kunder Liverpulit.

Vete trajneri i City Roberto Mancini ka bere te ditur se blerja e Balotellit eshte shume e rendesishme ne objektivat e skuadres se tij ne kete sezon. “Prej kohesh ishim te interesuar per Marion. Ai eshte nje futbollist me nje te ardhme te padiskutueshme dhe do te jete shume i rendesishem per ne”, ka bere te ditur Mancini.

Balotelli eshte pjese e projektit te klubit te Manchester City me pronar sheikun Mansour, i cili ka shpenzuar me shume se te gjithe gjate ksaj merkatoje. Pervec Mario Balotellit, skuadra angleze ka blere Mbrojtesin gjerman Jerome Boateng, ate serb Aleksander Kolarov, mesfushorin nga Bregu i Fildishte Yaya Toure dhe spanjollin David Silva.

Nertan Prifti