Merkel- Sarkozy: Papadimos të nisë urgjent reformat

“I takon atij dhe qeverisë së tij që të marrë sa më shpejt masat për reforma vendimtare dhe më të domosdoshme për të çuar Greqinë larg nga kriza aktuale”.

Këtë deklaratë e lëshoi kancelaria gjermane Angela Merkel në një telegram drejtuar Kryeministrit të sapozgjedhur grek Lukas Papadimos.

Edhe Franca e ka uruar Kryeministrin e ri, nëpërmjet një letre të dërguar nga Presidenti Nikolas Sarkozy.

Lideri i Francës shpreh se Parisi do vijojë të ndihmojë Greqinë si dhe ta mbështesë atë në rrugën për avancimin e reformave.