Merr flakë një banesë në Gjirokastër, shkak bëhet një bombul gazi

Një banesë është përfshirë nga zjarri ditën e sotme në qytetin e Gjirokastrës. Sipas informacioneve ka patur vetëm dëme materiale, ndërsa nuk është lënduar asnjë nga personat që jetonin aty.

Ngjarja ka ndodhur në lagjën “Pllakë” ku një banesë në katin e dytë është përfshirë nga flakët, pas një defekti të një bombule gazi të vendosur në ballkon e cila përdorej për gatim.

Si pasojë e flakëve janë djegur disa orendi në ballkon si dhe një derë. Zjarrfikësit kanë arritur në kohë duke mos lejuar që flakët të përhapeshin më tej.