Mesi do të qëndrojë në Pekin

Lionel Mesi nuk dëshiron të rikthehet te Barcelona dhe në fakt ka vendosur që të vazhdojë të ndihmojë Argjentinën për të fituar medaljen e Artë në Lojërat Olimpike, sipas trajnerit të Argjentinës, Serxho Batista. Trajneri i kombëtares së Argjentinës në Olimpiadë shpreson që të arrijë ta mbajë Mesin pas vendimit të Gjykatës së Arbitrazhit për Sportin, e cila ka dalë kundër rekomandimit të FIFA-s që lojtarët, që janë nën moshën 23-vjeçare, të marrin pjesë në këtë eveniment. Por kjo gjykatë ka marrë vendimin se ishte në dorën e klubit për të vendosur dhe Barça kishte deklaruar se ata dëshironin ta mbanin lojtarin për ndeshjen e parë eliminatore të Ligës së Kampioneve të javës së ardhshme. Përveç kësaj, Batista ka deklaruar se Mesi i ka thënë se ai dëshiron të qëndrojë në Pekin. "Mesi më ka thënë se ai dëshiron të të qëndrojë këtu, - tha trajneri për gazetarët në Kinë. - Nuk dëshiroj të futem në aspektin ligjor të gjithë kësaj, por e di që ai do të luajë për ne deri në fund."