Meta: PS dhe grevistet te marrin pergjegjesi, dialog
Zevendeskryeministri dhe ministri i Jashtem, Ilir Meta, ftoi dje "drejtuesit e Partise Socialiste, atyre qe jane jashte greves, qe te marrin me shume pergjegjesi per te tejkaluar kete situate, e cila i sherben dikujt ne kete vend". Ne nje komunikim per mediat, kreu i diplomacise shqiptare deklaroi se duhen evituar alternativat, te cilat jane bere publike per te zgjedhur midis jetes apo vdekjes. Ai shprehu besimin se te gjithe ne kete vend kane zgjedhur alternativen e integrimit evropian, ku beson se kjo eshte nje zgjedhje edhe e Partise Socialiste. "Do t`i ftoja edhe nje here te marrin me shume pergjegjesi, ne nje moment kur nga ana e mazhorances dhe qeverise, eshte bere i qarte vullneti per dialog. Natyrisht kjo duhet te ndodhe duke evituar perpjekje qe kerkojne te krijojne barrikada te panevojshme, nderkohe qe mundesite e dialogut jo vetem qe nuk kane shteruar por e theksoj, qe ka hapesira te mjaftueshme duke kombinuar transparencen dhe respektin per Kushtetuten e vendit", ftoi PS per dialog, Ilir Meta. Ai tha se zgjidhja eshte bere e qarte, duhet respektuar kerkesa dhe parimi i transparences, natyrisht ne perputhje me Kushtetuten e vendit dhe parimet e shtetit te se drejtes. Numri dy qeverise shqiptare, shprehu besimin "se ne kete kombinim ekziston nje hapesire e mjaftueshme dhe eshte i bindur qe greva nuk ndihmon ne ecjen perpara, perkundrazi, ajo krijon nje barrikade artificiale", e cila, sipas tij, natyrisht qe nuk eshte as ne interesin e vete organizatoreve te kesaj greve, as ne interesin e atyre qe kane vendosur qe sakrifikojne. "Por edhe nje here tjeter, do doja t`i ftoja ata qe jane jashte kesaj greve, te cilet kane pergjegjesite me te medha edhe per ata qe jane ne greve, te punojne per nje zgjidhje demokratike, per nje zgjidhje e cila jo vetem qe nuk cenon shendetin e asnjerit prej grevisteve por qe ndihmon investimin ne menyre pozitive te opozites dhe te te gjitheve per te ecur perpara ne realizimin e kerkesave te tyre, natyrisht edhe ne respekt te ligjeve ne fuqi dhe te kushtetutes te vendit", apeloi Meta. D.D
Per greven: "Zgjidhja te vije permes dialogut"
Zevendeskryeministri Ilir Meta, theksoi dje se te ofrosh alternativa midis jetes dhe vdekjes, qofte edhe ne menyre figurative eshte krejtesisht e papranueshme per te gjithe, sidomos ne kete moment kur te gjithe kemi vetem nje alternative qe na con perpara, qe na bashkon te gjitheve, qe eshte integrimi evropian i vendit. "Ndaj dhe kjo situate duhet tejkaluar me nje sjellje me evropiane dhe per kete nuk kane munguar as keshillat apo sugjerimet e partnereve tane", u shpreh gjate komunikimit te djeshem me mediat, numri dy i qeverise. I pyetur per deklaratat e Pierre Mirel, se kjo greve eshte ne momentin e papershtatshem, Meta tha se natyrisht qe ky moment eshte per dialog, ky moment eshte per zgjidhje, qe vjen permes dialogut dhe respektimit te institucioneve.
EVITIMI
"Drejtuesit e PS, ata qe jane jashte greves, te marrin me shume pergjegjesi per te tejkaluar kete situate, e cila i sherben dikujt ne kete vend. Duhen evituar alternativat te cilat jane bere publike, per te zgjedhur midis jetes apo vdekjes", deklaroi Meta.