Vasili leter Rames: Mjeket gati te hyjne ne cadra
Ekipe mjekesore jane te gatshem te asistojne me ndihme me te specializuar tek protestuesit e opozites, te cilet ndodhen ne qender te bulevardit te Tiranes. Ministri i Shendetesise, Petrit Vasili i ka derguar nje leter kryetarit te Partise Socialiste, Edi Rama ku i sqaron se strukturat shendetesore te cfaredolloj niveli, jane ne gatishmeri per te perballuar rastet e pacienteve te ardhur nga greva e urise. "Duke vleresuar qe greva e urise ka hyre tashme ne diten e katert te zhvillimit te saj, si dhe faktin qe pjesemarres se saj jane edhe deputete te Kuvendit te Shqiperise, dhe ku rendimi i gjendjes shendetesore eshte i paevitueshem. Ndaj iu siguroj per gatishmerine maksimale te strukturave shendetesore publike shqiptare, per te ofruar ashtu si edhe deri tani, mbeshtetjen e tyre te plote per garantimin e ndihmes mjekesore ndaj grevisteve te urise", thuhet ne letren e derguar nga ministri i Shendetesise, Petrit Vasili. Ne kete leter garantohet edhe trajtimi me perparesi i ketyre pacienteve, nderkohe qe ekipet mjekesore jane te gatshem te ofrojne ndihmen e tyre edhe brenda mjediseve ku zhvillohet greva, ne bashkepunim me ekipin mjekesor vullnetar qe sherben atje per te asistuar sa me mire dhe me cilesine e duhur grevistet tek grevistet e urise.
Qendrat shendetesore, 24 ore te hapura
Spitalet, urgjencat dhe qendrat shendetesore do te qendrojne te hapura per 24 ore per t'u ardhur ne ndihme personave, te cilet jane perfshire ne greven e urise. Sipas urdhrit te nxjerre nga Ministria e Shendetesise per garantimin e integritetit shendetesor sa me te mire te grevisteve te urise, strukturat publike dhe Universitare Spitalore te Tiranes si dhe ato ambulatore, jane urdheruar te trajtojne me prioritet paresor rastet e renduara te grevisteve te urise. "Rastet duhet te trajtohen me perparesi nga te gjithe ekipet mjekesore te vena ne dispozicion, ne funksion te kesaj greve, te gjithe infrastrukturen spitalore dhe njerezore qe disponojne si dhe shtreter spitalore dhe personel mjeke shtese, ne sherbim 24 oresh", thuhet ne letren qe i dergohet Partise Socialiste nga Ministria e Shendetesise.