Meta: Keqqeverisja rendon ekonomine

Kryetari i Levizjes Socialiste per Integrim, Ilir Meta, ka akuzuar kryeministrin Sali Berisha, per keqqeverisjen e vendit, e cila po rendon situaten ekonomike. Akuzat e kreut te LSI-se vijne si reagim ndaj paralajmerimit te perfaqesuesit te Fondit Monetar Nderkombetar ne Shqiperi, Geruin Bell, i cili parashikoi nje rritje ekonomike me te ulet se 3.5 per qind per vendin tone. "Deklarimet e perfaqesuesit te Fondit Monetar Nderkombetar (FMN), dy dite me pare, lidhur me rritjen ekonomike me te ulet te parashikuar ne vend, qe pas krizes se jashtezakonshme te vitit 1997, eshte ne kundershtim te plote me deklaratat mashtruese, demagogjike dhe euforike te kryeministrit Berisha", reagoi ndaj parashikimit te FMN-se, lideri i Levizjes Socialiste per Integrim. Sipas Metes, keto parashikime jane jo vetem ne sinkron te plote me analizat dhe vleresimet per situaten gjithnje me te rende ekonomike e sociale ne vend, por tregojne qarte rrezikun qe i vjen stabilitetit te vendit dhe njekohesisht, mireqenies dhe standardit te jeteses se shqiptareve. Levizja Socialiste per Integrim ka parashtruar ne menyre te vazhdueshme kritikat qe kane per qeverisjen, dhe masat qe po ndermerren per perballimin e krizes ekonomike. Ish-kryeministri i Shqiperise beri pergjegjes per situaten ekonomike vazhdimin e keqqeverisjes nga ana e kryetarit te Partise Demokratike, i cili sipas tij, jo vetem qe nuk i zgjidhi, por i rendoi problemet ekonomike dhe sociale te qytetareve shqiptare gjate ketyre viteve. "Kryeministri nuk ka asnje program per te perballuar krizen, e cila ka trokitur dhe po kercenon ekonomine e vendit dhe ekonomine e cdo familjeje shqiptare", theksoi Meta. Ekspertet ekonomike kane deklaruar se ekonomia boterore po perkeqesohet me ritme te shpejta dhe Fondi Monetar Nderkombetar parashikon rritjen me te ulet ekonomike, qe nga Lufta e Dyte Boterore. Prej kohesh debatet mbi krizen ekonomike kane prekur jo vetem Shqiperine, por dhe te gjithe shtetet e botes. Qeverite e ketyre shteteve ne vijim kane miratuar paketa masash per te ndihmuar bizneset ne krize, por efekti i ketyre levizjeve nuk mori rezultatet e deshiruara. Vendet me te fuqishme boterore po kalojne nje periudhe recensioni. Nderkaq, ne Shqiperi, vlera e lekut eshte zhvleresuar perballe monedhave te tjera. Denis Dedej

DEKLARATA

"Pakesimi i te ardhurave nga emigrantet dhe ulja e eksporteve, jane disa nga efektet qe po ndjen Shqiperia. Perkeqesimi i ekonomise globale do te sjelle nje ulje me te madhe te rritjes ekonomike te Shqiperise", deklaroi dy dite me pare perfaqesuesi i FMN, Geruin Bell.