Bakojanis: Duhen zgjedhje te lira, sipas standardeve

Ministrja e Jashtme e Greqise, Dora Bakojanis gjate nje vizite dje ne Tirane ne cilesine e kryetares se Presidences se radhes se OSBE-se, deklaroi se eshte ne interes te te gjithe shqiptareve, zhvillimi i zgjedhjeve te rregullta dhe ndershme. Kryetarja e radhes e OSBE-se, Bakojanis deklaroi gjate nje konference per shtyp se kjo organizate, do te dergoje vezhgues te shumte ne Shqiperi, per te monitoruar kete proces te rendesishem zgjedhor. Ajo vleresoi edhe hapat e bera deri tani nga qeveria, ne kuader te zgjedhjeve te ardhshme parlamentare qe do te mbahen ne muajin qershor."Ky eshte nje proces i vazhdueshem, jane bere hapa shume konkrete, ne do te dergojme vezhgues per te monitoruar zgjedhjet dhe une ju siguroj se eshte ne interes te te gjitheve ne Shqiperi, per te pasur zgjedhje te rregullta dhe te ndershme", theksoi Bakojanis, e pyetur ne lidhje me procesin e ardhshem zgjedhor ne vend. Zgjedhjet e lira dhe te ndershme iu premtuan kryetares se radhes se OSBE-se edhe nga kryeministri Berisha, gjate nje takimi te zhvilluar dje. Kreu i ekzekutivit shqiptar e garantoi Bakojanis, per angazhimin e plote te qeverise shqiptare, per te zhvilluar zgjedhje te lira e te ndershme dhe i kerkoi asaj, te influencoje per te sjelle ne Shqiperi sa me shume vezhgues. Shefja e radhes e OSBE-se shprehu sigurine e saj se qeveria shqiptare do te zhvilloje zgjedhje te mira e te ndershme. Gjate takimit kryeministri Berisha u shpreh se Presidenca greke e OSBE-se, ka mbeshtetjen e plote te Shqiperise ne misionin e saj. Kryetarja e radhes se Presidences se OSBE-se zhvilloi nje takim me Presidentin Topi. Gjate ketij takimi kreu i shtetit, u shpreh se te gjithe besojme se zgjedhjet e pergjithshme ne Shqiperi, qe do te mbahen ne qershor 2009, do te jene te lira e te ndershme, duke pasur parasysh edhe krijimin e infrastruktures se duhur zgjedhore. Bakojanis u shpreh se ka besim ne permbushjen e standardeve integruese dhe per pergatitjen e nje procesi zgjedhor sa me te perkryer, duke iu shprehur bindjen se "eshte e sigurt qe zgjedhjet e ardhshme do te jene me te mirat, te mbajtura ndonjehere ne vendin tone". Ministrja e Jashtme greke, zhvilloi edhe nje takim me kryetaren e Kuvendit, Jozefina Topalli. Kryeparlamentarja tha se eshte me shume interes, prezenca e vezhguesve te OSBE-se ne zgjedhjet e ardhshme parlamentare, te cilet do te kene mundesi te shohin procesin zgjedhor me te lire e transparent qe Shqiperia ka realizuar. Sipas Topallit, infrastruktura per zgjedhjet si, kartat e identitetit, regjistri elektronik i zgjedhesve apo pasaportat biometrike, si dhe vullneti yne maksimal per zgjedhje te lira dhe te ndershme, jane garanci per zgjedhje me standarde evropiane. Po dje Bakojanis zhvilloi nje takim edhe me kryetarin e bashkise se Tiranes, njeheresh dhe kryetar i PS, Edi Rama. Gjate bisedes Rama, shprehu nevojen e pajisjes me kartat e identitetit, per ata persona qe nuk disponojne pasaporte, duke e cilesuar kete, si nje propozim te Partise Socialiste qe eshte marre ne konsiderate nga qeveria, "de jure" por qe "de facto" mbetet ende pa trajtuar si e sa duhet. Problematiken e zgjedhjeve, Bakojanis e diskutoi edhe ne nje takim me partite e tjera parlamentare, te cilat u ulen ne nje tryeze te perbashket, pavaresisht ngjyrimeve te tyre politike. Me pas Bakojanis zhvilloi nje takim edhe ne zyren e OSBE-se ne Tirane. Gjate ketij takimi kryetarja e radhes e OSBE-se, theksoi nevojen per te forcuar me tej mbrojtjen e te drejtave te njeriut, shtetin e se drejtes dhe luften kunder korrupsionit, si dhe e cilesoi si te rendesishem debatin politik konstruktiv qe eshte zhvilluar ne vend.