Meta: PS s’kerkon transparence, por alibi per bojkotin e vendoreve
Pas qendrimit te opozites per transparencen e zgjedhjeve te vitit te kaluar fshihet alibia e mundshme per humbjen e zgjedhjeve lokale. Ky eshte qendrimi qe mbajti dje Zevendeskryeministri dhe Ministri i Jashtem, Ilir Meta, ne lidhje me deklaraten e kryetari te PS, Edi Rama per mos pjesemarrje ne zgjedhjet vendore. “Askush nuk ka patur dyshim ne Shqiperi, qe kjo nuk eshte nje sfide e nisur per transparencen e zgjedhjeve, por nje alibi per te justifikuar nje bojkot te mundshem te zgjedhjeve per shkak te frikes se kryetarit aktual te kesaj force politike, per t`u perballur me votuesit ne kryeqytet perseri”, u shpreh Meta, pas takimit me presidentin e grupit te PPE-se, Daul. Ai vleresoi angazhimin e nderkombetareve ne gjetjen e nje zgjidhje per situaten politike, por nga ana tjeter ai ka theksuar se mazhoranca i ka lene opozites te hapura te gjitha rruget ligjore per pretendimet e saj. “Natyrisht qe bashke me shume aktore nderkombetare, te cilet kane menduar se kjo ka qene nje ceshtje per transparence, e kuptojme se mungesa e vullnetit te lidershipit te PS, per te shfrytezuar te gjitha rruget qe jane rekomanduar per te zgjidhur ceshtjet e transparences, ka te beje me perpjekjen per te demtuar procesin e ardhshem zgjedhor ne vend dhe une jam i bindur qe kjo lloj sjellje nuk do te shperblehet”, u shpreh Meta. Kreu i diplomacise ka theksuar se “mos hyrja e PS-se ne zgjedhje nuk i jep te drejte kryetarit te Bashkise se Tiranes qe te mbaje serish postin e tij”. Ne kete pike, Meta ka qene i prere duke theksuar se jashte afateve ligjore asnje zyrtar nuk mund te qendroje me ne pozicionin e tij. “Askush nuk duhet te mendoje se mund te qendroje ne nje funksion ku eshte zgjedhur, qofte edhe nje minute me shume pertej mandatit ligjor, pa u rizgjedhur perseri”, u shpreh Meta.
Zgjedhjet
Reforma zgjedhore ka qene nje ceshtje e diskutuar ne takimin e zhvilluar me Zevendeskryeministri Ilir Meta dhe kreut te PPE, Joseph Daul. Kreu i diplomacise shqiptare ka theksuar se mesazhet e nderkombetareve kane qene te qarta, ku eshte theksuar se debati duhet te fokusohet ne zhvillimin e zgjedhjeve te ardhshme.