Meta: Taksa progresive, spekulim dhe demagogji

Kryetari i Levizjes Socialiste per Integrim, Ilir Meta ka shtuar kritikat ndaj programit te Partise Socialiste. Ne takimin e zhvilluar dje ne Tirane me strukturat e LSI-se, Meta eshte ndalur ne situaten ekonomike ne vend, duke e cilesuar taksen progresive dhe vendosje e detyrimeve fiskale me te larta ndaj biznesit, si spekulim dhe demagogji. “Ne fakt ky eshte nje spekulim dhe nje demagogji, sepse ne jetojme ne nje bote ku konkurrohet jo me midis vendeve, por midis rajoneve dhe ne jemi ne nje vend ku taksa e fitimit ne Maqedoni eshte 10%, ku taksa e fitimit ne Malin e Zi eshte 9% dhe ne Shqiperi eshte 10%. Ne qofte se ne do te benim politika te tilla populiste, padyshim qe kjo do t’i nxiste investitoret e ndryshem, jo vetem te huaj por ndoshta edhe shqiptare, qe te levizin, te shkojne ne vende te tjera, ne ambiente me te qendrueshme ekonomike”, u shpreh kreu i LSI-se. Deklarata e Metes vjen si reagim ndaj premtimeve te opozites dhe kreu te PS, Edi Rama, per dobine e takses progresive. Rama ka deklaruar se bizneset e medha duhet te paguajne me shume taksa per buxhetin e shtetit. Ai ka sjelle ne vemendje edhe rastin e Frances, ku pas ardhjes ne pushtet te socialisteve dhe vendosjen e nje modeli te ngjashem takse, shume biznese kane zgjedhur te ikin nga ky vend. “Ne pame rastin e Frances, presidentin e ri, i cili erdhi me angazhime te reja, vuri nje takse shume me te larte dhe shume biznese po largohen nga Franca, qe do te thote me pak zhvillim dhe me pak punesim edhe ne France. E njejta logjike funksionin kudo, ndaj ne nuk jemi ne keto pozita sepse keto jane pozita spekulimi”, tha kreu i LSI-se. Meta u shpreh se ka Shqiperia nuk mund te qendronte e paprekur nga kriza ekonomike globale dhe se duhen me shume masa per zhvillimin e biznesit. Ne fjalen e tij, Meta u ndal dhe ne procesin e zgjedhjeve te 23 qershorit, duke shprehur besimin se LSI do te marre nje rezultat pozitiv. “Ne nuk kemi ne dore t’i ndryshojme aktoret e tjere por qytetaret shqiptare kane mundesi qe me voten e tyre te ndryshojne jo pak perberjen e ardhshme te Parlamentit dhe mbi te gjitha te vleresojne ato forca te cilat punojne per bashkepunimin ne interes te vendit. Une mendoj se LSI-ja e ka te kristalizuar shume qarte profilin e saj si nje force bashkepunuese dhe si nje force qe i behet ndihmese zhvillimit te vendit dhe jo pengese per interesa te ngushta”, vijoi tha Rama. Kryetari i Levizjes Socialiste per Integrim, Ilir Meta, u shpreh se vendi eshte ne nje stanjacion politik per shkak te nje konflikti te paarsyeshem qe ve ne plan te pare interesat e luftes se ngushte politike mbi interesave te pergjithshme te vendit. Ne takimin e zhvilluar ne Njesine Bashkiake Nr. 1, kreu i LSI-se shoqerohej nga kryetari i LSI-se se Tiranes, Shezai Rrokaj, nenkryetari i LSI-se per Njesine Bashkiake Nr. 1 ne Tirane, Geron Ibrahimi, si dhe nga kryetarja e Levizjes se Gruas per Integrim, Klajda Gjosha. Ne kete aktivitet u be dhe anetaresimi i 120 anetareve te rinj te LSI-se.

“Askush nuk perjashtohet nga LSI”

Kreu i LSI-se, Ilir Meta ka vleresuar se suksesi kryesor i kesaj force politike eshte kujdesi ndaj njerezve dhe anetareve te saj. “Nje parti qe nuk kujdeset ndaj anetareve te saj, nuk ka sesi te kujdeset edhe per qytetaret e tjere. Ndaj, edhe une besoj tek angazhimi juaj, tek mbeshtetja juaj sepse vetem ne kete menyre ne do te arrijme te jemi nje garanci per te gjithe qytetaret shqiptare qe ne kater vitet e ardhshme”, u shpreh Meta. Ai shtoi se “nuk perjashtohet askush nga Levizja Socialiste per Integrim dhe as ka per te ndodhur asnjehere nje gje e tille sepse LSI eshte nje parti e hapur”.