Meta takon Kryesenatorin kanadez Noel Kinsela

Zv. Kryeministri dhe Ministri i Punëve të Jashtme z. Ilir Meta ka zhvilluar nje takim me Kreun e senatit te Kanadasë Noel Kinsela. Në qendër të këtij takimi qenë intesifikimi i marrëdhënieve dypalëshe por edhe çështja e shtetit të ri të Kosovës.
Gjatë këtij takimi Ministri i Jashtëm Ilir Meta shprehu mirënjohjen e qeverisë për mbështetjen që Kanadaja i ofroi vendit tonë për anëtarësimin në NATO dhe për njohjen e pavarësisë së Kosovës.
Nga ana e tij Kryesenatori Kinsella vlerësoi përmirësimin e situatës në Kosovë dhe rolin konstruktiv që Shqipëria ka luajtur dhe luan në rajon.