"Meta te mos merret me fustanet e grave"

TIRANE - I menjehershem ka qene reagimi i socialisteve ne lidhje me deklaraten e kreut te LSI, Ilir Meta ne mbledhjen e djeshme te Keshillit Drejtues Kombetar. Duke komentuar fjalorin e perdorur nga Meta, ka qene sekretar per ceshtjet sociale dhe barazine gjinore ne Partine Socialiste, Edlira Haxhiymeri ajo qe e ka cilesuar deklaraten e Metes nje politike te ulet personale dhe te paperdorshme per nje politikan qe pretendon te mbetet ne politike. "Zbritja e Ilir Metes deri tek fustanet e grave, tregon se sa poshte ka rene mikun yne i vjeter dhe sa e vjeter eshte kjo politike e ulet sulmesh personale. Uroj qe sot Ilirit t'i vije pak zor nga te marrurit edhe me fustanet e grave", ka qene deklarata e Haxhiymerit. Nje reagim i tille i forte ka ardhur pikerisht nga sekretarja per barazine ligjore e PS, e cila eshte vene ne mbrojtje jo te kryetarit te saj Rama, por te Kodhelit, zedheneses se kryesise se PS. Sulmi i Metes ne kete gjatesi vale, sipas burimeve te brendshme te LSI ka ardhur dhe per shkak te nervozizmit te shkaktuar nga mosreagimi i Rames dhe dalje perballe tij e figurave te dyta dhe te treta politike. Ai ne mbledhjen e djeshme te Keshillit Drejtues Kombetar u shpreh se kryetari i PS, duke u perpjekur te fshihet pas fustanit te Mimit, perdor te njejten retorike armiqesore ndaj LSI-se, si ne 2005-en, vetem e vetem se LSI ka deklaruar se, do te konkurroje jo vetem perballe Sali Berishes.

Reagimet

Tashme eshte bere e modes qe ne reagimet ndaj akuzave te kryetarit te LSI, Ilir Meta nuk dalin figurat e para ose te dyta te PS, por kane dale zedhenesja e kryesise se PS, Kodheli dhe sekretarja per barazine gjinore ne kete parti, Haxhiymeri. Gje qe me sa duket e ka acaruar se tepermi liderin e LSI, Meta.