"AgroBlend": Kompensim te plote fermereve per demin

Firma e farerave "AgroBlend" qe drejtohet nga kryetari aktual i Bashkise se Vores, Fiqiri Ismaili ka deklaruar dy dite me pare se do te demshperbleje deri ne qindarken e fundit te gjithe fermeret e demtuar. Duke marre persiper tere pergjegjesine e shkaterrimit te prodhimeve bujqesore ne fermat te cilat i kishte furnizuar ai vete me fare misri, per shkak se doli fare kallp, Ismaili garantoi kompensimin e tere demeve te shkaktuara nga mosarritja e futjes ne prodhim te ketij misri, per shkak te mungeses se pllenimit. Ai ka garantuar njeheresh se do te evidentohet dhe numri i fermereve te demtuar, si dhe sasine e tokes se mbjelle me faren e misrit "Alisea", e cila shkaterroi dhe prodhimin e tyre. Dhe mbi bazen e te dhenave te mbledhura nga deklarimet e vete fshatareve, specialistet te kesaj kompanie te farerave, do te perllogarisin demin e shkaktuar ne total si dhe demshperblimin qe i takon cdo familjeje. Prej ditesh eshte bere publik denoncimi i qindra familjeve fshatare te Elbasanit, Librazhdit, Lushnjes, Fierit, Matit, Dibres, Beratit, Gramshit etj, te cilat pas shume muajsh pune dhe djerse ne tokat e veta bujqesore te mbjella me miser, u ndeshen me nje katastrofe te papare dhe rrenuese per ekonomite e tyre te varfra familjare.