Miliarderi Elon Musk, i ofron ndihmë Ukrainës

Miliarderi Elon Musk, është përfshirë në luftën mes Ukrainës dhe Rusisë. Me anë të një postimi në rrjetet sociale, miliarderi bëri të ditur se SpaceX Starlink, ka aktivizuar shërbimin e saj satelitor me brez të gjerë Starlink në Ukrainë.

Lidhja e internetit në Ukrainë është sulmuar nga ushtria ruse. Starlink transmeton sinjale për internet me shpejtësi të lartë nga hapësira, por nuk është ende i disponueshëm në mbarë botën. Musk shkroi në Twitter se kompania e tij po dërgonte terminale interneti në Ukrainë për të përdorur shërbimin, megjithëse ishte e paqartë se sa.

Ai iu përgjigj zëvendëskryeministrit të Ukrainës, Mykhailo Fedorov, i cili shkroi në Twitter, “@elonmusk, ndërsa ju përpiqeni të kolonizoni Marsin, Rusia po përpiqet të pushtojë Ukrainën! Ndërsa raketat tuaja zbarkojnë me sukses nga hapësira, raketat ruse sulmojnë njerëzit, civilë ukrainas!”.