Ministria e Transportit: Rama të japë shpjegime për skandalin me tokën te Taivani

Tiranë, 23 nëntor NOA - Ministria e Transportit ka reaguar sot pas deklaratës së zëdhënëses së PS-së se akuzat e Olldashit ndaj Ramës janë shpifje.

Ministri i Punëve Publike Transportit dhe Telekomunikacionit, Sokol Olldashi paraqiti sot dokumentacionin e një dosjeje të abuzimit skandaloz me pushtetin nga ana e kryetarit të Bashkisë së Tiranës, Edi Rama.

Çuditërisht pas kësaj, Rama u shfaq në trajtën e Armelës për të ndërmarrë një sulm personal ndaj Olldashit por pa dhënë asnjë shpjegim për dosjen e korrupsionit të tij deklaroi sot ministria e Transportve.

Më tej duke pretenduar për ti bërë më të thjeshtë punën Ramës, zëdhënësja e Olldashit ka ushtruar disa pyetje.

Përse ka autorizuar shitjen e 1310 m 2 tokë shtetërore në Parkun Rinia?

A ka qenë në dijeni të faktit se toka që po shitej ishte pronë shteti?

Për çinteresa mafioze ka shkelur ligjin Nr 7980, të vitit 1995, nenin 3 për shitblerjen e tokës, i cili ndalon në mënyrë kategorike tjetërsimin e trojeve publike pa u mbyllur procesi i kompensimit të ish pronarëve.

Përse ka shkelur Kodin Civil i cili nuk e lejonte, Ramën të shiste një pronë që nuk ishte e vetja pasi trualli, pronë shtetërore, nuk i ishte transferuar Bashkisë në vitin 2005 gjë që do të thotë së Rama nuk kishte asnjë të drejtë mbi të deklaroi zëdhënësja e ministrisë së Transporteve.

k.k/NOA