Mitingu, PD e PS duan kryeministrine

Dy partite me te medha politike, PS dhe PD kane lene ne te njejten ore mitingun permbylles se fushates elektorale te 28 qershorit diten e sotme. Kjo ka shkaktuar reagimin e policise e cila nuk ka lejuar nje afrim te tille mes tubuesve te dy partive me te medha politike, duke vendosur perfundimisht ndarjen e tyre: PD, e kufizuar ne sheshin "Skenderbej" dhe PS e kufizuar te sheshi "Nene Tereza", pa e kaluar rrugen qe kalon afer parlamentit dhe kryeministrise. Ndersa socialistet lajmerojne se mitingu do te zhvillohet ne oren 20.00, perballe Kryeministrise dhe jo ne oren 18.00 sic ishte planifikuar. Nderkohe qe me heret, policia bllokoi pergatitjet per mitingun permbylles te Partise Socialiste diten e sotme. Dhjetera forca policore nuk lejojne ngritjen e skenes se mitingut perpara selise se Kryeministrise. Nga ana e saj, PS e denoncoi veprimin si presion te qeverise per te mos lejuar mitingun ndersa policia pretendon se skela per mitingun duhet te ngrihet vetem gjate dites se neserme. Sipas PS-se leja per ngritjen e skenes eshte marre qe ne daten 17 qershor dhe theksojne se veprimet e policise jane perpjekje per te bllokuar pergatitjet e mitingut permbylles te socialisteve, mbremjen e sotme. Mesohet se ne vendngjarje ka patur debate te shumta mes forcave te policise dhe anetareve te Partise Socialiste, te cilet jane detyruar te nderpresin punimet per ngritjen e skeles. Sipas policise leja per fillimin e pergatitjeve per mitingun e madh permbylles te fushates eshte dhene per ne daten 26 qershor. Nderkaq ne bulevardin "Deshmoret e Kombit" ku eshte planifikuar mitingu i Partise Socialiste, kane mberritur shume perfaqesues te selise roze. Perfaqesuesit e PS-se kane bere te ditur se policia ka ushtruar presion ndaj punonjesve te ngritjes se skelave duke i kercenuar se do te shoqerohen ne komisariat nese nuk zbatojne urdhrin. "Faktin se tubimi i parashikuar nga ana Juaj, ka nje shtrirje nga godina e Kryeministrise e deri ne afersi te Galerise se Arteve Figurative, faktin se pothuajse ne te njejtin orar zhvillohet edhe nje tubim tjeter i organizuar nga Partia Demokratike e Shqiperise, ne sheshin "Skenderbej", mundesine e pjesemarrjes se nje numri te konsiderueshem te simpatizanteve te te dy subjekteve politike, ne tubimet respektove, rrezikun e cenimeve te renda te rendit publik si rezultat i afersise se vendeve te zhvillimit te tubimeve, pamundesine e policise per menaxhimin e bllokimin e turmave te permasave te medha, domosdoshmerine e zhvillimit normal te ketyre dy tubimeve permbyllese te fushates elektorale, per zgjedhjet e 28 Qershorit, vendos te ndaloj zhvillimin e tubimit ne vendin e kerkuar nga ana Juaj. Nderkohe qe lejoj dhe garantoj zhvillimin normal te tubimit te kerkuar nga ana Juaj, ne sheshin "Nene Tereza" dhe ne bulevardin "Deshmoret e Kombit" deri tek kryqezimi i ketij bulevardi me rrugen "Ismail Qemali", ne te njejten ore dhe date, te kerkuar nga ana Juaj", ka qene pergjigja e dhene nga drejtori i policise se kryeqytetit, Tonin Vocaj. Njeheresh ai ka dhene edhe personin e kontaktit.

PS akuzon: Policia po vepron politikisht e urdheruar direkt nga Sali Berisha

"Partia Socialiste ka bere kerkese ne daten 17 per te bere manifestimin ne bulevardin "Deshmoret e Kombit". Policia duhet te jepte verejtjet e saj brenda 24 oreve nga data e depozitimit te kerkeses dhe nuk e beri kete gje. Arsyetimet e sotme jane te papranueshme. Forcat e policise kane filluar te kercenojne punetoret dhe arsyeja eshte politike, ata kane marre nje urdher politik, vete policet shprehen se jane viktima" theksoi Islami. Sipas Islamit, kjo ngjarje ka cenuar ndjeshem imazhin e policise duke theksuar se policia e vendit eshte diskredituar ne nivelin e shefave te saj. "Urdhri politik demton imazhin e Shqiperise si vend i NATO-s. Policia nderhyn me urdher politik te fuqishem. Urdhri politik vjen nga kryeministri Berisha" u shpreh Islami. Ata kane deklaruar se shenohet nje incident tjeter ne kete klime te tensionuar, duke filluar nga vrasja e deputetit Xhindi deri tek vrasja e kreut te PDK ne Malesine e Madhe. Mesohet se ka pasur interesim nga ODIHR-i per incidentin.