Mitrovicë, Pantiç: Organizim jo i mirë nga OSBE-ja

Kryetari ilegal i Mitrovicës, Kërstimir Pantiç, pret që zgjedhjet e sotme serbe të kalojnë pa probleme sa i përket situatës së sigurisë, por, megjithatë, thotë se janë vërejtur disa probleme me listat zgjedhore. Ai kritikon OSBE-në për organizim jo të mirë të zgjedhjeve.
 

“Është fakt se një numër i madh i qytetarëve nuk janë përfshirë në listat e votuesve dhe ka mjaft probleme. Përfaqësuesit e OSBE-së vështirë gjenden në vendvotime dhe kjo me siguri do të bëjë që dalja në votime të jetë shumë më e vogël sesa që është interesimi i qytetarëve për këto zgjedhje. Kjo, në njëfarë mënyre, e vë në pikëpyetje legjitimitetin e këtyre zgjedhjeve”, thotë Pantiç.
 

Misioni i Organizatës për Siguri dhe Bashkëpunim në Evropë lehtëson zgjedhjet parlamentare dhe presidenciale të Serbisë në Kosovë.