Mitsotakis mesazh Turqisë: Vënia në pikëpyetje e sovranitetit grek mbi ishujt Egjeut, “vijë e kuqe”
Kyriakos Mitsotakis i dha një mesazh të ashpër Ankarasë nga foltorja e Asamblesë së Përgjithshme të 77-të të OKB-së . Kryeministri grek e bëri të qartë se vënia në pikëpyetje e sovranitetit grek mbi ishujt e Egjeut përbën një “vijë të kuqe”, duke theksuar se asnjë veprim agresiv nga fqinji nuk do të tolerohet.
“Turqia kënaqet me retorikën revizioniste. Është fjalimi im i katërt në Asamblenë e Përgjithshme të OKB-së dhe besoj se Turqia fatkeqësisht po luan një rol destabilizues. Turqia ka filluar të ketë një obsesion të çuditshëm me vendin tim. Kërcënon të sjellë ushtrinë natën në vendin tim. Kjo nuk është logjika e një paqebërësi, por logjika e një agresori. Ai kërcënon vazhdimisht Greqinë. Vitin e kaluar, Turqia sfidoi sovranitetin grek mbi ishujt e mëdhenj si Kios dhe Mytilini. Unë ju pyes: A është kjo sjellje e ligjshme dhe në përputhje me një vend anëtar të NATO-s që supozohet të respektojë Kartën e OKB-së? Nga ky hap dua të bëj të qartë se vija e kuqe për Greqinë është vënia në pikëpyetje e sovranitetit të saj nga Turqia në lidhje me ishujt e Egjeut”, tha ai.
Mitsotakis iu drejtua popullit truk, duke thënë se Greqia nuk është armik i tyre, por “miq dhe fqinjë”.
“Sot nga Kombet e Bashkuara dua t’i drejtohem lidershipit turk dhe popullit turk: Ne nuk jemi armiqtë tuaj, ne nuk jemi kundër jush. Ne jemi miq dhe fqinjë”, shtoi ai./ CNN.gr
/rtsh.al/