Mjedisi, 53 milione leke gjoba ne bregdet Sonila Isaku

Mungesa e higjienes ne plazhe, hedhja e mbetjeve spitalore, zhurmat e lokaleve gjate nates kane bere qe ministria te gjobise plot 63 subjekte ne bregdet, 19 bashki dhe 17 komuna. Nderkohe qe vlera e gjobes ka varjuar nga 10 mije leke te reja deri ne 1 milion leke.
Gjobat
Kontrollet e Ministrise se Mjedisit jane shtrire nga Shkodra ne Sarande, por edhe ne zona te Korces dhe te Pogradecit. Nderkohe, arsyeja e ketyre gjobave ka qene mungesa e administrimit te mbetjeve urbane, por edhe ndotja akustike jashte orareve te percaktuara. Kjo ka bere qe autoritetet e mjedisit te vene gjoba te shumta, vlera e te cilave kap shifren e 53 milione e 580 mije lekeve te reja. "Jane 19 bashki te gjobitura ne te gjithe vendin, 17 komuna dhe 63 subjekte te ndryshme, keto vetem per mosadministrim te mbetjeve urbane, per shkarkim te ujerave te zeza si dhe ndotje akustike" thote Alfred Deshati, drejtor i Kontrollit Mjedisor ne Ministrine e Mjedisit. Ne listen e subjekteve qe jane gjobitur, spitalet zene nje numer te konsiderueshem te gjobave si pasoje e mosadministrimit te mire te mbetjeve spitalore.
Higjiena
Drejtuesit e Ministrise se Mjedisit pohojne se higjiena ne Shkembin e Kavajes dhe Malin e Robit eshte me e mire pas bllokimit te derdhjes se ujerave te zeza ne det. "Zona qe cilesohej si njolle e zeze ne listen e brigjeve shqiptare nuk ekziston me. Ne te gjithe segmentin nga Shkembi i Kavajes, Golem dhe Mali i Robit nuk ka as edhe nje tubacion te vetem qe shkarkon ujera te zeza ne det" nenvizon Deshati. Ne vitin 2011 sipas drejtorit Deshati, nuk do te kete asnje bregdet ku te derdhen ujerat e zeza. Megjithese ka ende nje sere problemesh e sidomos edhe ne bregdetin e Vlores ato do te monitorohen deri ne zgjidhjen perfundimtare. Deshati pohoi se ka nje mungese bashkepunimi me pushtetin vendor per projektin e nisur per kolektoret. Nderkohe ne zonat e tjera bregdetare ka nje
bashkepunim edhe me strukturat e pushtetit vendor po monitorohen brigjet shqiptare per te garantuar nje det te paster per pushuesit.

Gjobat e vendosura

1 milion leke eshte gjoba e aplikuar per ndotje te vijes bregdetare
500 mije leke eshte gjoba e aplikuar per ndotje urbane ne qytet e fshat
50 mije leke eshte gjoba e vendosur per subjektet per ndotje akustike
500 mije deri 2 milion leke gjoba e vendosur per mbetjet spitalore