Moratti lavdëron Benitezin

Presidenti i Interit, Massimo Moratti, ka lavdëruar trajnerin Rafa Benitez pas triumfit të tyre në gjysmëfinalen e Kupës Botërore të Klubeve.

Zikaltërit mposhtën ekipin jug-korean Seongnam me rezultat 3-0 për të siguruar vend në finalen e Kupës.

“Benitez ka bërë një punë të mirë duke u përgatitur për ndeshjen. E kam parë atë të duket shumë i përqendruar së bashku me lojtarët. Ndeshja përfundoi mirë, ata luajtën me precizitet dhe treguan karakter. Ne kaluam në avantazh menjëherë dhe pastaj e kontrolluam atë mirë”.

“Isha i nervozuar, pasi kurrë nuk mund ta dini se çfarë mund të ndodhë në futboll. Po ashtu ishte një atmosferë e çuditshme, pasi kishte aq shumë qetësi rreth meje. Nuk kishte entuziazëm të vërtetë dhe njerëzit në seksionin VIP nuk bërtisnin për asnjërin ekip”, ka thënë Moratti.