Moska: Në Kosovë, ekziston mundësi konflikti

Zëdhënësi i Ministrisë së Jashtme të Rusisë, Andrei Nesterenko, ka vlerësuar se në Kosovë ende ekziston mundësia e konfliktit, dhe se nuk ka përparim në afrimin e shqiptarëve dhe serbëve të Kosovës.
"Ajo që tash po ndodh në Kosovë "dëshmon se ende ka mjaft potencial për konflikt dhe mungesë të përparimit", tha Nesterenko. Sipas tij, "çështja e Kosovës mbetet si njëra nga sfidat më të mëdha për sigurinë në rajon", ndërsa përgjegjësinë për sigurinë ia ka adresuar forcave ndërkombëtare.