Moti/ Dita do jetë me kthjellime dhe vranësira mesatare, ja sa do shkojnë temperaturat sot

Për ditën e sotme (1 shtator) moti parashikohet i kthjellët ndërsa vranësira të pakta deri mesatare kalimtare në relievet kodrinore – malore të vendit në orët e mesditës deri ne pasdite.

Sipas SHMU-së, do të ketë prezencë të reshjeve të shiut me intensitet kryesisht të ulët përgjatë relieveve malore në lindje e juglindje të territorit në orët e mesditës e pasdite. Po ashtu do ketë prezencë të lartë të grimcave të rërës dhe pluhurit në ajër.

Era parashikohet të fryjë me drejtim Veriperëndim-verilindje.me shpejtësi mesatare 7m/s, përgjatë vijës bregdetare e kryesisht atë jugperëndimorë e zonave luginore era fiton shpejtësi deri në 14m/s.

Valëzim në det do të jetë i forcës 1-3 ballë.

/rtsh.al/