Mourinjo kërkon Navas dhe Di Maria

Sipas Marca, struktura e Jose Mourinjos te Real Madridi ka filluar të marr formë. Sipas të përditshmes madrilene, 'I veçanti' ka kërkuar nga menaxhimi i Real Madridit, të transferojë dy anësorët kualitativë, Jesus Navasin e Sevillas dhe Angel Di Marian e Benficas. Kjo kërkesë e Mourinjos pritet të zgjojë interesim në qarqet madrilene, për arsye se në rast se këta dy anësorë transferohen, atëherë kjo do të thoshte se portugezi dëshiron ta hapë lojën e tij nga krahu, gjë për të cilën Pellegrini ishte kritikuar.
Reali dëshiron që këto transferime të marrin fund para Botërorit, pasi që pritet që vlera e të dy anësorëve të rritet dukshëm pas Botërorit. Vlera aktuale e secilit është nga 40 milionë euro. Sipas mediave portugeze, thuhet se Di Maria tashmë ka nënshkruar për Realin.
Flitet se edhe Giorgio Chiellini i Juventusit është në radarin e Mourinjos, për të formuar partneritetin titanik në mbrojtje me Pepen.