Mrekulli pas 200 orësh nën rrënoja në Turqi, nxirret e gjallë vajza 26-vjeçe, por bilanci i viktimave shkon mbi 41 mijë

Ndërsa mundësitë për të gjetur të mbijetuar më shumë se një javë pas tërmeteve apokaliptike po zvogëlohen, histori të rralla mbijetese shfaqen ende.

Në ditën e nëntë të tërmetit dhe pas 200 oresh nen rrenoja eshte shpetuar vajza 26-vjecare Emine Agkul.

Nxjerrja e saj e gjalle nga rrenojat erdhi vetem pasi ishte realizuar nje tjeter mrekulli e dyfishtë vjen nga rrënojat në Kahramanmaraş.

Mediat turke raportuan se dy vëllezër janë nxjerrë të gjallë .

Bëhet fjalë 17-vjeçarin Muhammet Enes Yeninar dhe 21-vjeçarin Baki Yenina Abdulbaki, të cilët u shpëtuan dhe dërguan në spital.

Ndërkohë ministri turk i shëndetësisë shpërndau një video të një 6-vjeçareje, e cila gjithashtu u shpëtua, duke e konsideruar si një tjetër mrekulli.

“Vajza jonë, Hivay, mbijetoi për 178 orë! Ka gjithmonë shpresë.”- shkroi ministri në Twitter.

Megjithatë, bilanci i viktimave vijon të jetë në rritje. Numri i të vdekurve në Turqi dhe Siri raportohet mbi 41 mijë.

Presidenti sirian, Bashar al-Assad, ka rënë dakord të lejojë OKB-në të dërgojë ndihma në pjesët e kontrolluara nga rebelët e Sirisë veriperëndimore, përmes dy pikave të tjera kufitare nga Turqia.