Mungesa e energjisë, banorët bllokojnë rrugën
Foto Ilustruese
FIER- Mungesa prej një jave e energjisë elektrike ka nxjerrë në protestë banorët e fshatit Ndërmenas.
Janë me dhjetra banorët që kanë bllokuar aksin rrugor Fier- Seman. Protesta e tyre vazhdon edhe në këto momete.
Ata kërkojnë nga autoritetet përkatëse kthimin sa më shpejt të energjisë.
Banorët thonë se mungesa e energjisë ka ardhur nga djegia e transformatorit, dhe askush ende nuk e ka zëvendësuar atë, duke bërë që prej një jave në shtëpitë e tyre të mungojë energjia elektrike.