Nancy Pelos përfundon vizitën në Tajvan, reagon Kina: Ata që luajnë me zjarrin nuk do të kenë një fund të mirë

Ka përfunduar vizita e Kryetares së Dhomës së SHBA-së, Nancy Pelosi në Tajvan. Pelos është larguar nga Tajvani, pas takimit që mbajti me liderët në kryeqytetin Taipei. Por vizita e saj, si pjesë e një turneu më të gjerë aziatik, ndezi zemërim në Pekin pasi ajo injoroi paralajmërimet e tij për të mos udhëtuar në ishull.

Në një deklaratë të lëshuar pak më parë, ministri i Jashtëm i Kinës Wang Yi paralajmëroi se ata që luajnë me zjarrin nuk i pret një fund i mirë.

“Ata që luajnë me zjarrin nuk do të kenë një fund të mirë dhe ata që ofendojnë Kinën do të ndëshkohen. Shtetet e Bashkuara po shkelin sovranitetin e Kinës nën maskën e të ashtuquajturës demokraci,” tha ai, raporton BBC.

/rtsh.al/