Nano therret Asamblene e PS me nje platforme te re

Fatos Nano, ish-lideri historik i se majtes, aktualisht anetar i Asamblese Kombetare te PS-se, do t’i drejtohet ketij forumi drejtues me nje platforme qe synon ribashkimin e se majtes. Enver Reci, ish-anetar i Kryesise se PS, thote se me ane te kesaj platforme, qe gezon dhe mbeshtetjen e disa deputeteve aktuale, Fatos Nano synon shuarjen e sherreve ne seline roze dhe fitoren e se majtes ne zgjedhjet e vitit 2013. Ne te kundert, Reci pohon se Nano do te krijoje nje parti te re, ne te cilen do te kete eksponente dhe ish-eksponente te larte te Partise Socialiste. “Eshte vete kerkesa e z. Nano qe te shkoje ne Asamblene Kombetare dhe te parashtroje gjithe pikepyetjet per te ardhmen e Shqiperise pas 2013-s”, - thote Reci ne nje prononcim per “Televizionin Klan”. Ai shprehet se prezenca e Nanos ne Asamble eshte per te afruar te gjithe socialistet dhe per t’u dhene nje mesazh te qarte bashkepunimi. “Ne duam te shkojme atje per t’u thene socialisteve qe ne nuk bejme platformen publike, pa ardhur tek ju, ne Asamblene Kombetare, qe te degjohemi. Nga kjo pikepamje, ne do te donim qe te kishim brenda PS-se pjesen tone si Levizje Nano”, - thote Reci ne lidhje me objektivat e ish-kryeministrit dhe ish-kreut te PS. Ai shton se “kjo do te thote qe ne duhet te behemi pjese e forumeve, qe zeri jone te degjohet, qe ne te kemi perfaqesuesit tane ne listat e zgjedhjeve per deputetet e 2013-s dhe se bashku te hartonim nje strategji fitimtare per zgjedhjet e 2013-s”. Nga ana tjeter, ai shprehet se, nese keto kushte bashkepunimi nuk pranohen nga PS-ja, atehere ish-kreu i partise, ne menyre legjitime, do te krijoje nje force te re politike. Ai thote se perkrah kesaj levizje do te vijne dhe deputetet aktuale te PS-se si Arben Malaj, por edhe “Nese Rama dhe grupi qe mbeshtet Ramen nuk do te pranojne platformen tone, atehere ne do te dalim me vete, me nje force politike, me nje liste tonen per ne Parlament dhe me mbeshtetes te hapur, sic eshte z. Malaj. Por ka dhe mbeshtetes te tjere, te cilet kam bindjen se do ta kuptojne dhe do te dalin akoma me hapur ne mbeshtetje te platformes sone”, - shprehet Reci. Kjo levizje e ish-kreut te PS-se pritet te behet shume shpejt ne mbledhje me te afert te Asamblese Kombetare. Nderkohe qe ish-kreu i PS-se ka deklaruar nisjen e organizimit per nje tjeter force politike pas perfundimit te gares presidenciale. Ne kete gare, ai shpalli kandidaturen, por nuk u mbeshtet ne menyre te hapur nga Partia Socialiste. Reci u shpreh se platforma Nano ishte parashikuar te paraqitej ne Asamble ne muajin shtator, por u shty per shkak te mos mbledhjes se Asamblese. “U mendua qe ne shtator do te mblidhej Asambleja Kombetare, ku ne do te conim platformen. Kush i njeh normat e PS duhet te kuptoje qe ka nje norme ne statut qe thote se jo me pak se nje here ne tre muaj duhet te mblidhet asambleja”, - thote Reci. Nga ana tjeter, Nano dhe mbeshtetesit e tij kane menduar dhe per emrin e partise se re, e cila do te quhet Partia Socialiste Liberale.