Ndahet nga jeta shkrimtari dhe politikani Sabri Godo
Pak minuta më parë ka ndërruar jetë politikani dhe shkrimtari i njohur Sabri Godo. Godo prej disa kohësh vuante nga një sëmundje e rëndë në mushkëri, përveç kësaj prej vitesh kishte një shqetësim në veshka, sëmundje të cilat ditët e fundit u përkeqësuan.
Sabri Godo ndërroi jetë në moshën 82- vjeçare.
Godo është themeluesi i Partisë Republikane dhe një nga hartuesit e Kushtetutës së Shqipërisë, gjithashtu ka qenë deputet në Kuvend për dy legjislacione.
Kontributi i tij në politikën shqiptare ka qenë i lartë, ai shquhej për këshillat e tij të urta për politikanë shqiptar.