Nderohen gratë e shquara për 100-vjetor e pavarësisë
U vlerësuan figurat qe i kane dhënë nder e krenari kombit shqiptar
Kuvendi i Shqipërisë, në një ceremoni të veçantë në sallën e veshur kuq e zi, nderoi të premten pasdite, kontributin e grave shqiptare në 100 vjet Pavarësi, të cilat i dhanë nder dhe krenari kombit shqiptar.
"Ne nderojmë brishtësinë, delikatesën, dinjitetin e gruas shqiptare, kësaj gruaje të lindur në 'djepin e tragjedisë' e të 'dramës pa fund', por që kurrë nuk u vyshk në freskinë e në fisnikërinë e saj njerëzore", tha Kryetarja e Kuvendit, Jozefina Topalli.
Me motivacione të veçanta në shenjë mirënjohje dhe falënderimi për misionin e tyre, Topalli dhuroi botimin special të Kuvendit “Akteve të themelimit të shtetit shqiptar“, duke nderuar një pjesë të grave simbol të qëndresës dhe të forcës së grave shqiptare.