Ndihmat ruse per serbet, te skaduara

Disa nga ndihmat ruse per serbet e Kosoves, qe mberriten dje ne shtetin me te ri te botes, jane te skaduara. Pohimin e bene dje, zyrtare te UNMIK-ut dhe doganave, te cilet sqaruan se ndihmat ishin pjese e rezervave te shtetit te Rusise. Dy kamionet e pare me ndihmat ruse per serbet kosovare, kishin mes tyre medikamente dhe pajisje mjekesore, krahas produkteve ushqimore. Kur ato u ndalen ne pikat doganore, iu nenshtruan kontrollit rutinor te doganave. Ketu, perfaqesuesit e UNMIK-ut dhe doganave te Kosoves kane zbuluar se disa nga ndihmat ishin skaduara. "Ne sasine e ndihmave u konstatuan ushqime te ambalazhuara qe ne vitin 2005, te cilat e kishin daten e skadences jo me shume se dy vjet", sqaruan zyrtaret e misionit te OKB-se ne Kosove. "Por, ajo qe ra ne sy ishte dhe se perbri dates se skadences 2007, te stampuar te produktet, kishte te shenuara me stilolaps disa pusulla qe shtynin afatin e skadences dhe per dy ose tre vjet te tjera". Per zyrtaret e UNMIK, sigurisht qe nje gje e tille eshte e papranueshme, ndaj menjehere pas kontrollit, i bllokuan keto produkte ushqimore, per te mos vene ne rrezik jeten e konsumatoreve te mundshem. "Shtetasit serbe te Republikes se Kosoves do te benin mire qe te tregojne kujdes me konsumin e mallrave ushqimore qe vijne ne forme ndihmash nga jashte, per shkak te dyshimit per afatin e skaduar", deklaruan dje, autoritetet e doganave ne Kosove.