Ndokaj perplaset me Topallin

Demokristiani Jak Ndokaj u perplas dje me Kryetaren e Kuvendit, Jozefina Topalli, per deshtimin e komisionit hetimor per pergjimet e bisedave telefonike. Ndokaj akuzoi nga foltorja e Kuvendit, Topallin, se ka penguar hetimet e coi drejt deshtimit komisionin e posacem. "Nuk na keni vene ne dispozicion ambientet per hetimin. Kerkojme shtyrje", tha Ndokaj. Por, sipas Topallit, ashtu si komisionet e tjera dhe ai per pergjimet e bisedave telefonike nuk arriti te mbylle brenda afatit hetimin e nisur. "Do te flase me juristet per te pare nese eshte e mundur shtyrja e ketij komisioni", tha Topalli pa dhene nje zgjidhje. Ndokaj, si kryetar i komisionit, kerkoi shtyrjen e afatit te punes hetimore edhe per nje muaj. Kjo, sipas tij, duhet te jepet nga Topalli, pasi ajo eshte nje nga shkaktaret qe coi ne zvarritjen e hetimit. Deri me sot, komisioni hetimor per pergjimet, nuk ka mundur te nxjerre as e edhe nje emer mbi personat e pergjuar padrejtesisht ne bisedat e tyre telefonike. Puna ka ngecur ne percaktimin e eksperteve. Sipas tij, sapo u caktuan ekspertet, komisionit i perfundoi afati. E vetmja gje qe eshte bere publike deri me sot, eshte se deputeteve te Kuvendit u jane pergjuar telefonat celulare, por indirekt. Burime brenda komisionit kane pohuar se nga kontrolli e informacionet e rezervuara te marra nga institucionet perkatese, rezulton se disa deputeteve u jane pergjuar bisedat telefonike nga Sherbimi Informativ Shteteror (SHISH), por kjo jo sepse jane pergjuar ata personalisht, por personat me te cilet kane zhvilluar biseden. R.R

.