Ndotja rrit rastet me alergji respiratore

Ndotja e mjedisit ka shtuar rastet e alergjive respiratore ne femije ne Elbasan. Ne Spitalin Pediatrik cdo muaj shtrohen mesatarisht 10 raste te femijeve qe vuajne nga kjo patologji. Burime nga spitali bejne te ditur se ditet e fundit ne ka pasur raste te shtuara te virozeve respiratore te formes se bronkoliteve ne femije. "Mjaft prej ketyre virozeve mund te kene terren alergjik qe mund te shkaktohet edhe nga ndryshimi i klimes, por edhe nga ndotja e ambientit me pluhura dhe tymra, qe jane te theksuara ne kete stine", pohon mjekia pediatre, Liri Dyli. Sipas saj, rastet alergjike kane ardhur duke u rritur nga viti ne vit. Megjithese nje semundje e tille haset ne kete stine, shtimi i rasteve shpjegohet vetem me rritjen e ndotjes se ambientit. "Problem ne kete lloj semundjeje eshte mjekimi i saj. Format alergjike jane rezistente ndaj mjekimit. Femijet paraqiten shpesh ne spital dhe manifestojne shenja te tilla si veshtiresi ne frymemarrje, kolle, teshtitje, irritime etj., te cilat shoqerohen edhe me komplikacione si bronkopneumoni dhe astma bronkiale etj.", pohon Dyli. Sipas saj, zonat me problematike ne Elbasan konsiderohen perreth Kombinatit Metalurgjik dhe perreth zones industriale, perreth fushes se plehrave dhe ne qender te qytetit, ku ndotja eshte me e larte. F. S.