Në Abu Dhabi: 5 fitore për Hamilton, por e fundit është për Verstapen

Formula 1 arrin në finalen e madhe, me titullin ende për t’u dhënë, dhe në një luftë më të hapur se kurrë. Në Çmimin e Madh të Abu Dhabit, raundi i fundit i sezonit, Leëis Hamilton dhe Max Verstappen do ta nisen me të njëjtin numër pikësh, siç kishte ndodhur vetëm një herë në të kaluarën. Pas tre fitoreve të tij të fundit (Brazili, Katari dhe Arabia Saudite), britaniku ka “përqafuar” rivalin e tij Red Bull në renditje dhe tani synon titullin e tetë botëror në cirkuitin ku tashmë ka triumfuar pesë herë.

Në fakt, në dymbëdhjetë raundet në Yas Marina, shtatë herë kampioni i botës ka arritur të fitojë në pesë raste. Në shtatë sezonet e fundit, nga ana tjetër, ka pasur gjashtë suksese për Mercedesin, pasuar nga ai i Red Bull në 2020 me Max Verstappen. Vetëm vitin e kaluar, në fakt, MadMax arriti suksesin e vetëm të karrierës së tij. Me fitoren, këtë vit, ai do të siguronte titullin e tij të parë në Formula 1. Asnjë sukses për Ferrarin që kur lindi ky GP.