Nigerianët në terror, frikësohen nga telefonata e vdekjes

Qeveria e Nigerisë po siguron njerëzit në vendin me më shumë banorë në Afrikë se një telefonatë nuk mund të të vrasë.

Një mesazh është shpërndarë në mbarë vendin ditët e fundit, duke i paralajmëruar njerëzit se do të vdesin në rast se i përgjigjen telefonatave nga numri 091411.

Frika e madhe ka bërë që autoritetet të lëshojnë një deklaratë ku thuhet se gjithçka është një mit.

Vetëm njerëzit e paditur mund të kenë frikë nga një telefonatë, thuhet në deklaratë.