Nikoliq: Serbia ka problem vetëm me territorin e vet!

Kryetari i Serbisë, Tomislav Nikoliq po qëndron për një vizit zyrtare në Kinë. Ai, gjatë takimit me kryetarin e parlamentit të Kinës Xhang Dexhiang ka thënë se Serbia më nuk ka problem me asnjë shtet në botë pos me pjesën e territorit të vet në Kosovë dhe ka shtuar se “Kosovën as nuk e japim dhe as nuk mund të na e rrëmbejnë”, njoftojnë mediat e Serbisë.

“Sa i përket çështjes së Kosovës, ne në tërësi e kuptojmë dhe e përkrahim qëndrimin e Serbisë”, citojnë mediat serbe të ketë thënë Xhang Dexhiang. /Indeksonline/