Nishani: Ja masat qe moren per tragjedine e Gerdecit
Ministri i Brendshem, Bujar Nishani, deklaroi dje, gjate nje takimi te zhvilluar, mbi masat qe po merren per rindertimin e Gerdecit, se qeveria eshte e vendosur per ta cuar deri ne fund kete proces. Ai beri te njohur se deri me 15 maj, per personat e trajtuar dhe te strehuar ne Shtepine e Pushimit te Ministrise se Brendshme jane shpenzuar 20 milione leke, sipas VKM, duke shtuar se se bashku me te strehuarit ne shtepine e pushimit te Ministrise se Mbrojtjes jane gjithsej 560 persona. Ndersa kane qene 4000 banoret e evakuuar te demtuar nga zona e fatkeqesise, nderkohe u krye edhe dhenia e ndihmes se pare ndaj 400 personave dhe transportimi per ne spital te tyre dhe strehimi i 700 te tjereve qe kishin humbur shtepite dhe nuk kishin mundesi tjeter strehimi, u shpreh Nishani. Bashkepunimi dhe koordinimi i veprimeve me njesite vendore te prekura nga fatkeqesia, beri te mundur vleresimin ne nje kohe te shkurter te demeve te shkaktuara ne banesat e qytetareve. Keshtu u vleresua demtimi i 4000 banesave dhe objekteve private ne qarkun e Tiranes dhe 2000 te tjera ne ate te Durresit, nderkohe ne 1000 prej tyre te Qarkut te Tiranes u be rivleresim. Nishani tha se 16,6 milione euro eshte mbeshtetja financiare qe Qeveria shqiptare ka miratuar me propozim te Ministrise se Brendshme, per ndertimin e banesave te demtuara, per mbeshtetjen financiare te familjeve te viktimave, per dhenien e pages per punetoret qe punonin ne fabriken e demontimit dhe per shpenzimet ditore te banoreve te demtuar. A.C