Nishani nis viziten ne Kosove
Kosova tashmë ka përfunduar përgatitjet e saj për pritjen e presidentit të Shqipërisë z.Bujar Nishani.
Për ndër të vizitës së parë të Presidentit Shqiptar në Kosovë, rrugët e kryeqytetit kosovar janë zbukuruar me flamuj kombetare dhe flamurin shtetëror të Kosovës.
Presidenti i Republikës, Bujar Nishani viziton Kosovën me ftesë të presidentes Atifete Jahjaga. Vizita, sipas axhendës do të zgjasë tri ditë.
Në këtë vizitë të parë shtetërore në Kosovë, në cilësinë e kryetarit të shtetit, presidenti do të kryesojë një delegacion të gjerë zyrtar, në përbërje të së cilit do të jenë dhe ministri i Arsimit dhe Shkencës, Myqerem Tafaj e ministri i Brendshëm, Flamur Noka.
Disa nga veprimtaritë që spikasin në axhendën e ngjeshur të vizitës së kreut të shtetit shqiptar në Kosovë do të jenë: takimi me presidenten Atifete Jahjaga, në përfundim të së cilit të dy homologët do të japin një konferencë të përbashkët për shtyp, takimi me Kryetarin e Kuvendit të Kosovës, Jakup Krasniqi, i cili do të pasohet nga një seancë solemne e Kuvendit të Kosovës për nder të Presidentit Nishani, si dhe takimi me Kryeministrin e Kosovës, Hashim Thaçi.
Presidentit Nishani pritet të zhvillojë takime të veçanta edhe me kryetarin e Komunës së Prishtinës dhe njëkohësisht kreun e LDK-së, Isa Mustafa dhe me lideret e partive të tjera si VV, AAK, AKR dhe me autoritete të tjera vendase si dhe me zëvendëskryeministrin, Sllobodan Petroviç.
Në kuadër të kësaj vizite zyrtare, kryetari i shtetit shqiptar do të zhvillojë homazhe në varrin e ish-presidentit Rugova dhe në varrin e Adem Jasharit, të cilat do të pasohen nga vizita e presidentit Nishani në familjet respektive të këtyre figurave të shquara historike të Kosovës.
Kreu i shtetit do të vizitojë dhe familjen martire të Haradinajve në Gllogjan, si dhe do të ndalet për të vizituar muzeun e Lidhjes historike të Prizrenit, Kishën Katolike të Binçës, Manastirin e Deçanit dhe Xhaminë e Sinan Pashës.
Një etapë e veçantë e kësaj vizite do të jetë edhe fjala që Presidenti i Republikës, Bujar Nishani do të mbajë në një universitet privat, në prani të shumë përfaqësuesve nga bota akademike, të shoqërisë civile kosovare, intelektualë, pedagogë dhe studentë.
Për ndër të vizitës së parë të Presidentit Shqiptar në Kosovë, rrugët e kryeqytetit kosovar janë zbukuruar me flamuj kombetare dhe flamurin shtetëror të Kosovës.
Presidenti i Republikës, Bujar Nishani viziton Kosovën me ftesë të presidentes Atifete Jahjaga. Vizita, sipas axhendës do të zgjasë tri ditë.
Në këtë vizitë të parë shtetërore në Kosovë, në cilësinë e kryetarit të shtetit, presidenti do të kryesojë një delegacion të gjerë zyrtar, në përbërje të së cilit do të jenë dhe ministri i Arsimit dhe Shkencës, Myqerem Tafaj e ministri i Brendshëm, Flamur Noka.
Disa nga veprimtaritë që spikasin në axhendën e ngjeshur të vizitës së kreut të shtetit shqiptar në Kosovë do të jenë: takimi me presidenten Atifete Jahjaga, në përfundim të së cilit të dy homologët do të japin një konferencë të përbashkët për shtyp, takimi me Kryetarin e Kuvendit të Kosovës, Jakup Krasniqi, i cili do të pasohet nga një seancë solemne e Kuvendit të Kosovës për nder të Presidentit Nishani, si dhe takimi me Kryeministrin e Kosovës, Hashim Thaçi.
Presidentit Nishani pritet të zhvillojë takime të veçanta edhe me kryetarin e Komunës së Prishtinës dhe njëkohësisht kreun e LDK-së, Isa Mustafa dhe me lideret e partive të tjera si VV, AAK, AKR dhe me autoritete të tjera vendase si dhe me zëvendëskryeministrin, Sllobodan Petroviç.
Në kuadër të kësaj vizite zyrtare, kryetari i shtetit shqiptar do të zhvillojë homazhe në varrin e ish-presidentit Rugova dhe në varrin e Adem Jasharit, të cilat do të pasohen nga vizita e presidentit Nishani në familjet respektive të këtyre figurave të shquara historike të Kosovës.
Kreu i shtetit do të vizitojë dhe familjen martire të Haradinajve në Gllogjan, si dhe do të ndalet për të vizituar muzeun e Lidhjes historike të Prizrenit, Kishën Katolike të Binçës, Manastirin e Deçanit dhe Xhaminë e Sinan Pashës.
Një etapë e veçantë e kësaj vizite do të jetë edhe fjala që Presidenti i Republikës, Bujar Nishani do të mbajë në një universitet privat, në prani të shumë përfaqësuesve nga bota akademike, të shoqërisë civile kosovare, intelektualë, pedagogë dhe studentë.