Nisin Ditët e Fellinit në Muzeun Historik Kombëtar

Tiranë, 27 prill, NOA - Në kuadrin e stinës së madhe të aktiviteteve Italia dhe Shqipëria 2010: Dy popuj, një det, një miqësi është menduar nga organizatorët edhe projeksioni i disa filmave të Federico Fellinit në Tiranë.

Ditët e Fellinit do të nisin sot, në një seksion tjetër të kinemasë italiane, me të famshmin film I vitelloni që shfaqet në orën 18.00 në Muzeun Historik Kombëtar, një komedi me aktorët: Leopoldo Trieste, Alberto Sordi, Franco Interlenghi, Franco Fabrizi, Leonora Ruffo.

Ky program zgjerohet edhe me projeksionet në kinemanë e Akademisë Marubi të filmit Roma, të cilin Fellini e realizoi më 1972.

Ditët e Fellinit do të sjellin projeksione të regjisorit në Tiranë ndërmjet datave 3-7 maj 2010. Si një nga shfaqjet më të rëndësishme të këtij eventi përmendet shfaqja e filmit La dolce vita, i cili do të prezantohet në datën 3 maj, në orën 17:00, në sallën Nënë Tereza në Pallatin e Kulturës në Tiranë. Ky film do të prezantohet kritiku italian Roberto Chiesi.

Programi filmik Ditët e Fellinit vazhdojnë më 4-7 maj, në të njëjtën sallë, ku në orën 15:30 do të shfaqen kryevepra të tjera të regjisorit italian si " 8 e ½", Fellini Satyricon dhe "Casanova.

m.s/NOA