Një burrë i martuar dhe një djalë dezertor, seks mes tyre në stacionin e trenit Durrës

Durrës, 15 Shtator NOA Ajo që i ka lidhur një burrë të martuar dhe një djalë që kishte dezertuar nga ushtria dhe kërkohej nga policia në të gjithë vendin, ishte as më shumë dhe as më pak, por seksi mes tyre.

Ndaj që të dy, janë pjekur mes tyre tek stacioni hekurudhor kombëtar që gjendet në hyrje të qytetit të Durrësit dhe i janë vërsulur njëri-tjetrit, duke shuajtur epshet homoseksuale.

Në fund, kanë bërë dhe shlyerjet. Më i vogli ka marrë shumën prej 200 lekësh të rinj (rreth dy USD) dhe homoja i martuar, aktin e dëshiruar.

E gjithë historia, ka ndodhur mesditën e djeshme, në fillimin e stacionit të trenit, aty ku gjenden vagonët e nxjerrë nga qarkullimi.

Arben Xh., një burrë 40-vjeçar lindur në Shijak dhe banues në fshatin Maminas Durrës, me gjendje civile i martuar, është kapur nga Seksioni kundër Trafiqeve të Paligjshme ne Drejtorinë e Policisë Durrës, duke bërë seks me një djalë 25-vjeçar.

Burime zyrtare policore, i thanë korrespondentit të agjencisë së lajmeve NOA, se kapja në flagrancë e dy burrave duke bërë seks mes tyre, u bë në bazë të informacioneve të marra se te Stacioni i Trenit Durrës po kryheshin akte homoseksuale.

Një grup agjentësh ka shkuar në vendin e supozuar dhe atje ka gjetur 40-vjeçarin shijakase, duke bërë aktin e shëmtuar me 25-vjeçarin Arian M., lindur dhe banues në Çermë të Lushnjës, i cili doli se ishte dënuar për veprën penale të Dezertimit, me pesë muaj burg, vepër penale për të cilën edhe ishte shpallur në kërkim.

Pas kontrollit që iu bë dy meshkujve, u sekuestrua dhe shuma prej 250 lekësh, që vinte në pjesën më të madhe si hak pune për aktin e kryer.

Dy burrat, pas shoqërimit, tani ndiqen penalisht në gjendje të lirë.

Ata akuzohen se kanë kryer marrëdhënie homoseksuale kundrejt pagesës në ambiente të hapura. Zyrtarisht, policia u komunikoi atyre akuzat e ushtrimit të prostitucionit dhe marrëdhënieve seksuale apo homoseksuale në vende publike.

a.a/e.r/NOA

Më shumë nga Kronika