Nje ish-diplomat i Ambasades Britanike ne Tirane nen gjykim per abuzim me vizat

Londer 14 Nentor 2010 - Nje ish-diplomat qe ka sherbyer ne Ambasades Britanike ne Tirane ka dale perpara nje gjykate ne Londer i akuzuar per shperdorim te qellimshem detyre gjate shqyrtimin e aplikimeve per viza pune.

Mark Griffith 44 vjec me dashje ka neglizhuar kryerjen e detyres si oficer intervistues i emigracionit gjate kohes kur ai punonte ne seksionin e vizave te Ambasades Britanike ne Tirane keshtu shkruhet ne akt-akuze.

Sipas Muhamed Veliut korrespondent i Top-Channel ne Londer ishte nje kontroll i brendshem i Ambasades Britanike qe ka zbuluar shkeljet pas marrjes se informacionit se nje punonjes abuzonte me detyren.

Pas nje hetimi disa mujor prokuroret britanik ne aktakuzen e ngritur thone se Griffith me dashje neglizhoi detyren e shqyrtimit te aplikimeve gjate nje periudhe 18 mujore.

Ish diplomati ka leshuar viza duke shkelur proceduren e leshimit te tyre.

Nuk eshte ende e qarte nese zoti Griffith apo persona te tjere kane perfituar financiarisht nga shkeljet ne leshimin e vizave jashte standardeve te parashikuara nga ligji anglez i emigracionit.

Se bashku me ish-punonjesin e ambasades britanike si i bashkakuzuar eshte edhe 39 vjecari Samuel Fongho.

Te dy akuzuarit gjate seances preliminare ne gjykaten e krimeve Southwark Crown Court ne Londer i kane mohuar akuzat.

Ndaj Mark Griffith me origjine nga qyteti Norwich rendon akuza e shperdorimit te detyres ne nje zyre shteterore gjate periudhes 1 Dhjetor 2005 deri me 1 Maj 2007.

Samuel Fongho banues ne zonen Middlesex ne Londer akuzohet per keshillim dhe prokurim qe cuan ne neglizhimin e detyres nga zoti Griffith.

Fongho akuzohet edhe per konspiracion ne perdorimin e instrumanetave te falsifikuar.

Ai nuk eshte diplomat por punon si menaxher i nje kolegji dhe agjencie punesimi ne Londer.

Gjykatesi John Price vendosi daten 6 Qershor 2011 per te zhvilluar procesin gjyqesor qe parashikohet te zgjase kater deri ne gjashte jave.

Ministria e Puneve te Jashtme britanike Foreign Office nepermjet zedheneses se saj nuk ka pranuar te komentoje rreth ketij rasti por ka konfirmuar se Mark Griffith ishte nje diplomat i cili merrej me shqyrtimin e vizave te punes duke sherbyer ne kete detyre prej Gushtit 2005 deri ne Maj 2007 kur ai eshte larguar nga puna pas nje hetimi te brendshem.