Not, triumfon Phelps, fiton medaljen e 20-të olimpike

LONDER-Edhe një finale në not, edhe një medalje e artë dhe një tjetër e argjendtë për notarët amerikanë. Por, e veçanta e garës në 200 metra stil të përzier ishte se e fitoi notari më i mirë i të gjitha kohërave në botë, Michael Phelps, i cili me fitoren e sotme arrit të rrëmbejë medaljen e 20 të lojërave olimpike.

Phelps ka mundësi që këtë rekord të medaljeve olimpike ta rrisë më tej të premten, kur do të paraqitet edhe në disiplinën 100 metra të stilit, Butterfly (flutur).

Vendin e dytë dhe medaljen e argjendtë në 200 metra stil i përzier e fitoi Ryan Lochte, kurse medalja e bronztë i takoi hungarezit Lazslo Csech.

(d.b/BalkanWeb)