Notë negative
Qeveria e dytë në krye me Hashim Thaçin i ka mbushur 100 ditë.
Ky numër mund të ishte i dyfishuar nëse zgjedhjet e 12 dhjetorit do të kalonin pa vjedhje votash.
Kosovarët, megjithatë kishin arritur të bëhen me Qeverinë e dytë që nga pavarësimi i vendit, vetëm më 22 shkurt, pas marrëveshjeve që Thaçi kishte bërë për krijimin e koalicionit.
Qysh në mbledhjen e parë, Thaçi e kishte shpallur qeverinë e re si më të mirën në historinë e qeverive të Kosovës.
Por ky kabinet ishte përballur shpesh me kritikat e opozitës dhe pjesë të shoqërisë civile të cilat kanë akuzuar edhe për numrin e madh të njerëzve që janë “akomoduar” në ekzekutiv.
Por cilat janë arritjet e Qeverisë Thaçi 2, gjatë njëqind ditëve të para të qeverisjes.
Dy analistët, Mufail Limani dhe Luan Shllaku në biseda me Express të mërkurën kanë vlerësuar se puna e qeverisë gjatë këtyre ditëve ka qenë minimale.
Shllaku ka përshkruar edhe procesin e krijimit të Qeverisë së Kosovës.
“Mënyra se si u konceptua Qeveria e re ishte ekskluzivisht e ndikuar nga pazaret politike që duhej bërë me partnerët e ri të koalicionit. S’kishte vizion fare për atë që i duhet Kosovës për të akceleruar projektet e mëdha zhvillimore” ka thënë Shllaku.
Shkrimin e plotë mund ta lexoni në Express...