Nuk do të ketë rritje të çmimit të energjisë

Bordi drejtues i Entit Rregullator të Energjisë ka vendosur sot të mos rrisë çmimin e energjisë elektriket për konsumatorët të paktën për 3 vjet.

Në mbledhjen e sotme, bordi drejtues i ERE-s ka vendosur të mos ndryshojë asnjë tarifë ndërsa ka lënë të njëjtë edhe çmimin për tarifën mesatare.

Kërkesa për rritjen e energjisë u bë nga tre operatorët, KESH, CEZ dhe OST-ja ndërsa ERE ka theksuar se parësore mbetet interesi i konsumatorit.

Në takimin që u zhvilluar më datën 30 Nëntor mes ERE-s dhe tre operatorëve, Korporata Elektroenergjitike Shqiptare kërkoi që çmimi i energjisë elektrike të rritet nga 1.48 deri në 5.05 lekë për kilovat/orë.

Rritje të çmimit të energjisë ka kërkuar edhe kompania CEZ Shpërndareje me rreth 4.6 lekë për kë/orë ose me 0 lekë nëse i falen borxhet që i ka shtetit dhe KESH-it.

Ndërsa Operatori i Sistemit të Trasmetim kërkoi gjithashtu një rritje të çmimit të energjisë elektrike nga 0.6 lekë në 0.73 lekë më justifikimin se do të investohet në rrjet.