Nuk marrin dëmshpërblimin, studentet e aksidentit të Himarës paralajmërojnë protesta

 Studentet e mbjetura nga tragjedia e Himarës paralajmërojnë protesta , pasi ende nuk kanë marrë  paratë e sigurimit  të shëndetit  që  kompania Sigma u detyrohet, sepse pësuan  dëmtime të ndryshme në trup  nga rrëzimi i autobuzit.

Studentet nënvizojnë se nëse  nuk dëmshpërblehen , mund të shkojnë edhe në grevë urie.

Komapania na ka thënë  se edhe pse ishit tek autobusi, nuk do të thotë  që ju  dukhet të dëmshpërbleheni- thotë Kaltra Pollozhani.

Kemi shkuar  më shumë se dhjetë herë  pranë zyrave t렠 kësaj kompanie  që nga muaji shtator , kur kemi dorëzuar dosjet, por deri më tani nuk ka asnjë përgjigjie. Ata na thonë se ka ardhur fondi por do të prisni deri javën tjetër, e kështu na thonë gjithmonë . Vetëm një javë më parë  ka qenë  hera e fundit që kemi shkuar dhe na kanë thënë  që keni mangësi në dosje  dhe duhet të bëni vizita të tjera mjeko ligjore. Ndërkohë dosjet tona janë të gjitha të kompletuara  me të gjithë dokumentacionin që duhet  dhe dëmshpërblimi duhet të bëhet  në bazë të ekspertizave të asaj dite  që ka ndodhur aksidenti- ka deklaruar për Shqip Pollozhani.

Vajzat e  aksidentit  kërkojnë nga Avokati i Popullit dhe  Kryeministri  i vendit që kërkesa e tyre të merret në  konsideratë.

Ne kërkojëm që  ju të na ndihmoni  për një çështje  kaq madhore që mori 13 jetë njerëzish , si dhe na la me pasoja  të rënda për shëndetin- apelojnë ato./A.XH