Obama nis udhëtimin në Azi
Presidenti i Shteteve të Bashkuara, Barack Obama, nis udhëtimin e parë jashtë vendit që nga rizgjedhja e tij më 6 nëntor.
Obama arrin në Tajlandë të dielën, ku pritet të theksojë rëndësinë e Bangkokut si aleat i Shteteve të Bashkuara.
Më pastaj, ai do të bëhet presidenti i parë amerikan që viziton Birmaninë, e cila po del nga dekadat e diktaturës.
Obama do të përfundojë udhëtimin e tij në Kamboxhia, duke marrë pjesë në një takim të Shoqatës së Kombeve të Azisë Lindore, si dhe në samitin e Azisë Lindore.
Washingtoni është i prirë për të forcuar lidhjet ushtarake dhe tregtare me vendet, të cilat duan që Shtetet e Bashkuara të përballen me fuqinë në rritje të Kinës, sidomos në Detin e Kinës Jugore, ku pretendimet territoriale kërcënojnë rrugët e tregtisë globale.