Obama shpenzon për fushatë më shumë se sa Rumni

Pasuria e fushatës së presidentit amerikan,  Barack Obama figuron më pak sesa ajo e kundërshtarit të tij, Mit Rumni i cili kishte në fund të korrikut rreth 60 milionë dollarë më tepër për të pretenduar Shtëpinë e Bardhë, bënë të ditur burime zyrtare amerikane.

“Sipas një raporti Obama kishte në llogarinë e tij në fund të korrikut rreth 124 milionë dollarë për fushatën dhe partinë e tij”, theksuan pot ë njëjtat burime.

“Por, kundërshtari i tij, Mit Rumni në të njëjtën periudhë kishte 50 për qind të fondeve shtesë, me rreth 186 milionë dollarë”, shtuan burimet.

Kjo nënkupton që presidenti aktual i SHBA-ve është duke shpenzuar shuma marramendëse për fushatën elektorale të zgjedhjeve presidenciale që do të zhvillohet pas 77 ditësh./Start/E.G/

                                                                                             2012-08-22 19:55