Olmert: Lufte deri ne ndaljen e sulmeve raketore

Kryeministri i Izraelit, Ehud Olmert, deklaroi dje se ushtria izraelite eshte duke i permbushur objektivat e saj ne Gaze, por do ta vazhdoje ofensiven kunder Hamasit deri sa te jene ndalur perfundimisht sulmet me raketa kunder Izraelit jugor. Ai tha dje ne nje takim te kabinetit se nese Izraeli do te ndalej, ky do te ishte nje shperdorim i perpjekjeve te bera deri tani. Zyrtare te spitaleve ne Gaze thone se rreth 850 palestineze kane vdekur ne Rripin e Gazes gjate 16 diteve qe nga ofensiva ushtarake e Izraelit. Deshmitare okulare thane se tanket izraelite dhe aeroplanet luftarake sulmuan sot periferine e qytetit te Gazes, ndersa militantet e Hamasit hodhen raketa antitank ndaj forcave izraelite. Disa palestineze u vrane ne luftimet e djeshme ne veri te Gazes. Hamasi dhe Izraeli vazhdojne te mos perfillin thirrjen nderkombetare per armepushim ne Gaze. Ushtria izraelite beri dy dite me pare nje njoftim ku i paralajmeronte banoret e Rripit te Gazes per intensifikimin e metejshem te ofensives ndaj militanteve palestineze. As Izraeli e as Hamasi nuk tregojne interesim per perpjekjet paqesore nderkombetare.