Operacioni “Ndërthurja”/ 3 të arrestuar për shitjen e narkotikëve, në kërkim 23-vjeçari

Një tjetër ri u prangos nga Policia e Kurbinit në vijim të një operacioni të shpallur më parë kundër shitjes së narkotikëve në qark.

Operacioni “Ndërthurja” i 27 qershorit zbuloi një lokal në zonën e Laçit të përshtatur për shitjen me doza të lëndës narkotike cannabis sativa. Lokali ishte pajisur me kompjutera me lojëra për të mitur dhe të rinj. Nën arrest u vunë pronari i lokalit dhe një kamerier.

Në vijim të aksionit disamujor, këtë të enjte (3 gusht), blutë e Kurbinit vunë në pranga një 23-vjeçar. Në kërkim u shpall edhe bashkëmoshatari i tij.

/rtsh.al/